Helgistund á Skýlinu verður í dag klukkan 14:45. Prestur er séra Agnes M. Sigurðardóttir.

Endurhæfingarsviði sjúkraþjálfunar var í dag afhent gjöf frá Sjálfsbjörg, félagi fatlaðra hér í Bolungarvík,að þessu sinni var gefið ferðaútvarp með geilsaspilara sem kemur  m.a. að góðum notum við dansæfingar hjá leikfimihóp eldri borgara. Sjálfsbjörg er hér með færðar kærar þakkir fyrir en Anna Torfadóttir formaður  kom færandi hendi  og birtist með gjöfina óvænt í æfingarsal sjúkraþjálfara.  Fanney Pálsdóttir sjúkraþjálfari segir aðstöðu í salnum vera frábæra og það beri helst að þakka Sjálfsbjörgu hér í bænum.

Mikið fjör var í lokatíma leikfimihópsins í Heilsueflingu eldri borgara  nú fyrir páska, hópurinn skellti sér í heita pottinn og söng saman, en hópurinn æfir 2 daga í viku, æfingarnar byggjast á stöðvaþjálfun, dans- og leikfimitímum, einnig er farið í boccia.  Þá hefur hópurinn dansað á skemmtunum  eldri borgara. Fleiri myndir inná myndasafni.

Ákveðið hefur verið að Fasteignir ríkissjóðs (FR) taki í áföngum við umsjón og rekstri fasteigna sem nú eru reknar af heilbrigðisstofnunum.

Í fyrsta áfanga (2008) mun FR meðal annars taka við fasteignum heilbrigðisstofnana á Vestfjörðum.
Í því felst að FR taka að sér viðhald og endurbætur á húsnæði með hliðstæðum hætti og þegar á við um framhaldsskóla og löggæslustofnanir.

Heilbrigðisráðuneytið mun beita sér fyrir nauðsynlegum fjárveitingum til stofnana sem standi undir kostnaði við húsaleigusaminga framvegis.

Fulltrúar FR hafa nú þegar komið í fyrstu heimsókn til Heilbrigðisstofnunarinnar Ísafjarðarbæ og Heilbrigðisstofnunarinnar Bolungarvík til að kynna sér aðstæður.

...Guðlaugur Þór Þórðarson, heilbrigðisráðherra, hefur ákveðið að styrkja
heilbrigðisþjónustu á landsbyggðinni með því að ráðast í sameiningu
heilbrigðisstofnana á fjórum svæðum á Vestfjörðum, Vesturlandi og
Norðurlandi. "Markmiðið með þessum aðgerðum er að auka og styrkja
þjónustu við íbúana, nýta betur þekkingu fagfólks og skapa sterkari
rekstrareiningar. Sameiningin skapar sömuleiðis möguleika á því að auka
nærþjónustu við íbúana, t.d. með reglubundnum komum sérfræðilækna og
annarra heilbrigðisstarfsmanna til hinna ýmsu starfsstöðva á viðkomandi
svæðum", segir í frétt á vef heilbrigðisráðuneytisins.
...
Meira